وزیراعظم دا بلدیاتی الیکشن لئی عوامی رابطہ مہم شروع کرن دا فیصلہ

اسلام آباد( پنجابی میڈیا گروپ) وزیراعظم نے پنجاب وچ بلدیاتی الیکشن لئی عوامی رابطہ مہم شروع کرن دا فیصلہ کرلیا ۔ وزیراعظم عمران خان دی زیر صدارت سینٹرل ایگزیکٹو کمیٹی دااجلاس ہویا ،جس وچ بلدیاتی الیکشن لئی عوامی رابطہ مہم شروع کرن دا فیصلہ کیتا گیا ۔ عمران خان نے عوامی جلسیاں دا شیڈول تیار کرن دی ہدایت کر دتی ۔ وزیراعظم نے بلدیاتی الیکشن وچ ٹکٹاں دی تقسیم دے طریقہ کار اُتے وی مشاورت کیتی ۔ عمران خان نے سنٹرل ایگزیکٹو کمیٹی دے اجلاس نال خطاب کردیاں ہویاں آکھیا کہ پی ٹی آئی ملک دی مقبول جماعت اے، پوری قوت نال میدان وچ اُتراں گے، بلدیاتی الیکشن لئی پارٹی دے تنظیمی ڈھانچہ نوں منظم کیتا جائے، بلدیاتی الیکشن وچ میرٹ اُتے ٹکٹاں تقسیم کتیاں جان گیاں ، عوام کول پی ٹی آئی دے سوا کوئی بہتر آپشن نہیں۔