آئی ایم ایف نال شرمناک شرطاں اُتے معاہدہ کیتا گیا ‘حمزہ شہباز

لہور ( پنجابی میڈیا گروپ) پنجا ب اسمبلی وچ قائد حزب اختلاف حمزہ شہباز ہوراں آکھیا کہ آئی ایم ایف نال شرمناک شرطاں اُتے معاہدہ کیتا گیا ،ایہ لوگ کشکول لے کے دنیا کول جاندے نیں، عوام تے سیاسی جماعتاں نوں اَت گردی دے خلاف اک پلیٹ فارم اُتے لائے ساں ، وزارت عظمی دی کرسی اُتے بیٹھیا شخص اپنی جماعت نوں اکٹھا نہیں کرسکیا ، ایہ شخص اپنی انا نوں ملکی مفاد اُتے ترجیح دیندا اے، حمزہ شہباز نے احتساب عدالت دے باہر میڈیا نال گل بات کردیاں ہویاں آکھیا کہ اسیں اَت گردی دا ڈٹ کے مقابلہ کیتا سی ، ملک وچ اَت گردی دوبارہ توں سر چُک رہی اے ۔ اوہناں نے آکھیا کہ عوام تے سیاسی جماعتاں نوں اَت گردی دے خلاف اک پلیٹ فارم اُتے لائے ساں ،وزارت عظمی دی کرسی اُتے بیٹھیا شخص اپنی جماعت نوں اکٹھا نہیں کرسکیا، ایہ شخص اپنی انا نوں ملکی مفاد اُتے ترجیح دیندا اے۔