لہور ہائیکورٹ نے پب جی گیم اُتے پابندی دی درخواست خارج کردتی

لہور(پنجابی میڈیا گروپ) لہور ہائیکورٹ نے پب جی گیم اُتے پابندی دی درخواست خارج کردتی ۔ لہور ہائیکورٹ وچ پب جی گیم اُتے پابندی لئی دائر درخواست اُتے سماعت ہوئی۔ درخواست گزار وکیل عدالت وچ پیش نہ ہویا ۔ عدالت نے عدم پیروی دی بنیاد اُتے درخواست خارج کردتی ۔ درخواست وچ پی ٹی اے تے وفاقی حکومت نوں فریق بنادیاں ہویاں آکھیا گیا کہ پب جی گیم نال معاشرے وچ عدم برداشت پیدا ہورہیا اے تے نوجوان نسل ایس گیم دی وجہ نال تباہ ہورہی اے، لہذا عدالت پب جی گیم اُتے پابندی لان دا حکم دیوے۔