ٹھوکراں کھا کے کندن بنن والا دوبارہ کدی وی مار نہیں کھاندا ‘ ریشم

لہور( پنجابی میڈیا گروپ) نامور اداکارہ ریشم ہوراں آکھیا کہ اج دے دور وچ تہانوں کسی اُتے اعتماد نہیں کرنا چاہیدا ، ٹھوکراںکھا کے کندن بنن والاشخص دوبارہ زندگی وچ کدی مار نہیں کھاندا ۔ اک انٹر ویو وچ اداکارہ نے آکھیا کہ میرے ذاتی خیال وچ اگر اج دے دور وچ کوئی تہاڈے نال مخلص اے تے تُسی خوش نصیب لوکاں وچوں او ،ساڈھے معاشرے وچ حسد تے بغض دی انتہا اے تے ہر کوئی اک دُوجے دیاں لتاں کھِچ رہیا ہندا اے ۔ ہمیشہ یہی کوشش ہندی اے کہ اپنے کم نال کم رکھاںایس لئی مشکلاں توں بچی رہندی ہاں ۔ ریشم نے آکھیا کہ میں ایہ وی ویکھیا اے کہ اگر تُسی خموش رہو تے تہاڈے اُتے ودھ حملے ہندے نیں بلکہ ذاتیات اُتے حملے کیتے جاندے نیں ۔ ریشم نے آکھیا کہ ضروری نہیں کہ کوئی اداکار یا اداکارہ فلم وچ ہی کم کر رہیا ہوئے تے اوہ مصروف ہندا اے شوبز اک وڈھا میڈیم اے جس وچ بوہت کجھ ہو رہیا ہندا اے ۔