اپوزیشن دا باقی دا ویلا وی تریخاں تے گراونڈ تیار کرن وچ لنگے گا ‘ ہمایوں اخترخان

لہور (پنجابی میڈیا گروپ) پاکستان تحریک انصاف دے سینئر مرکزی رہنما و سابق وفاقی وزیر ہمایوں اختر خان نے آکھیا اے کہ وزیر اعظم عمران خان دی قیادت وچ حکومت دے درست پاسے گامزن ہون دی وجہ نال اپوزیشن جماعتاںسیاسی طو ر اُتے بیروزگار نیں ،کئی دہائیاں تک اقتدار اُتے مسلط رہن والیاں نوں کدی ملک تے عوام لئی اکٹھے بیٹھن تے سوچ وچار کرن دا خیال نہیں آیا لیکن دوبارہ اقتدار حاصل کرن لئی دن رات اک کیتے ہوئے نیں۔ اپنے اک بیان وچ اوہناں نے آکھیا کہ اپوزیشن جماعتاں دے مفاد دی نوعیت مختلف اے جس پاروں ایہ کدی متحد نہیں ہو سکدیاں لیکن حکومت نوں اوہناں دے متحد ہون یا نہ ہون نال کوئی فرق نہیں پیندا کیونکہ عوام اوہناں نوں مسترد کر چکی اے، اوہ ویلا دوبارہ آئے گا جدوں ایہ دوبارہ دست و گریباں ہون گے۔