کشمیر معاملے اُتے عالمی ضمیر سُتا نہیں بلکہ مردہ ہو چکیا اے‘ شاہدہ منی

لہور( پنجابی میڈیا گروپ) نامور اداکارہ و گلوکارہ شاہدہ منی نے آکھیا کہ مقبوضہ کشمیر دے معاملے اُتے لمبی خموشی توں ایہ ثابت ہو گیا اے کہ عالمی ضمیر سویا نہیں بلکہ مردہ ہو چکیا اے ۔ اوہناں آکھیا کہ بھارتی فوج نے پچھلے کئی مہینیاں توں نہتے کشمیریاں نوں جبر تے بندوق دی نوک اُتے قید کر رکھیا اے لیکن عالمی دنیا ولوں اس دا کوئی نوٹس نہیں لیتا گیا ، طویل خموشی توں واضح ہو گیا اے کہ عالمی ضمیر سویا نہیں بلکہ مردہ ہو چکیا اے ۔ ایس دے نال نال انسانی حقوق دی عالمی تنظیماں دیاں زبان اُتے وی تالے لگے ہوئے نیں ۔اوہناں آکھیا کہ پاکستانی قوم اپنے کشمیری بھائیاں دی ہر سطح اُتے سیاسی ، اخلاقی تے سفارتی حمایت جاری رکھے گی تے اللہ نے چاہیا تے کشمیر دے معاملے اُتے ضرور کوئی معجزہ ہوئے گا ۔