میرا خاوند کدی وی دُوجا ویاہ نہیں کر سکے گا ‘حبا بخاری

کراچی (پنجابی میڈیا گروپ) اداکارہ حبا بخاری ہوراں آکھیا کہ اوہناں دا خاوند کدی وی دُوجا ویاہ نہیں کر سکے گا کیونکہ اوہناں نے ایہ شرط نکاح نامے وچ لکھوائی اے ۔ میڈیا دے مطابق پچھلے مہینے رشتہ ازدواج وچ منسلک ہون والی اداکار جوڑی حبا بخاری تے آریز احمد دے ویاہ بارے دلچسپ انکشاف ساہمنے آیا اے۔ دُوناں نے نجی ٹی وی دے اک پروگرام وچ رلت کیتی ۔ حبا بخاری نے پروگرام وچ دسیا کہ آریز ہن دُوجا ویاہ نہیں کر سکن گے کیونکہ ایہ اوہناں دے نکاح دے معاہدے دی اہم شرط سی تے ایس نکاح نامے وچ وی باقاعدہ درج کروایا گیا اے۔ اداکارہ نے دسیا کہ اوہناں نے ویاہ دے علاوہ وی بوہت کجھ نکاح نامے وچ لکھوایا۔