انسان ٹھوکراں کھا کھا سِکھدا اے ، متھیرا

لہور( پنجابی میڈیا گروپ) ناموراداکارہ متھیرا نے آکھیا کہ میں نے جدوں دا ہوش سنبھالیااے سفید نوں سفید تے سیاہ نوں سیاہ آکھیا اے تے ہر انسان نوں اینج دا ہی ہونا چاہیدا اے ، جدوں میں ایس شعبے وچ نویں نویں آئی سان تے اک ڈرہندا سی لیکن فیرانسان زندگی وچ ٹھوکراں کھا کھا کے سِکھ جاندا اے ۔ اک انٹرویو وچ متیرا نے آکھیا کہ مینوں اینہا حوصلہ تے جرات آ گئی اے کہ میں واضح کہندی ہاںکہ جیہڑی گل آکھو گے اوس دا جواب اوسی ویلے ملے گا تے بعد دا بعد وچ ویکھیا جائے گا ۔اوہناں نے آکھیا کہ ایتھوں تک کہ بوہت سارے لوگ ہیں جیہڑے تہانوں تقریباں وچ ملدے نیں تے کہندے نیں کہ تُسی کنے خوبصورت لگ رہے ہو اتنی دیر بعد ملاقات ہوئی اے تے جس طرح ہی تُسی اوتھوں دُوجے پاسے جاو گے تے آکھن گے کہ ایہ ایتھے کِنج آ گئی تے کیوں مل گئی ۔