شادیاں ٹُٹدیاں ویکھدی ہاں تے ڈرجانی آں’ریشم

لہور( پنجابی میڈیا گروپ) نامور اداکارہ ریشم نے آکھیا اے کہ ویاہ دے معاملات کسی دے اپنے بس وچ نہیں ہندے ایہ اُتے والے دے بس وچ اے ، جدوں میں آسے پاسے رشتے تے شادیاںٹٹدیاں ویکھدی ہاں تے خوفزدہ ہو جاندی ہاں۔اک انٹرویو وچ ریشم نے آکھیا کہ اگرمیں اپنی ذات بارے دساں تے میں بوہت حساس ہاں تے شاید فنکار حساس ہی ہندا اے ۔ اوہناں نے آکھیاکہ میں کسی دا دکھ نہیں ویکھ سکدی تے چاہے کسی نے میرے نال کنا ہی بوہت برا کیوں نہ کیتا ہوئے میں دکھ دے لمحے وچ اوس نوں تسلی دیندی ہاں ۔ ریشم نے آکھیا کہ انسان نوں سمجھنا بوہت مشکل کم اے ، تُسی ہر روز تجربے ہندے ویکھدے او تے تُسی سیکھدے او لیکن اگلے ہی لمحے اک نوا تجربہ حاصل ہندا اے تے فیر سوچ آندی اے کہ انسان نوں سمجھنا واقعی ای مشکل کم اے ۔