میں بوہت ہنس مکھ ہاں’روبی انعم

لہور( پنجابی میڈ یا گروپ)ناموراداکارہ روبی انعم ہوراں آکھیا کہ میرے بارے ایہہ تاثر غلط اے کہ میں بوہت زیادہ غصہ کھاندی ہاں ،حالانکہ مینوں غصہ نہیں آندا ،میرے شوہر بوہت محبت کرن والے تے خیال رکھن والے نیں۔ اک انٹر ویو وچ روبی انعم ہوراں آکھیا کہ میاں بیوی گڈی دے دو پہیاں ونگوں نیں تے اگر اوس گڈی نوں چلانا اے تے دوناں وچ توازن ضروری اے ۔ اوہناں نے آکھیا کہ ضروری نہیں صرف خاوند نوں ہی کسی گل اُتے غصہ آئے بیوی نوں وی غصہ آ سکدا اے لیکن اسیں کدی لڑائی وچ اوتھوں تک گئے ہی نہیں جیتھے ساہنوں اک دُوجے توں ناراض رہنا پئے ، اگر کوئی گل ہو وی جائے تے اسیں اوس نوں نظر انداز کر دیندے ہاں۔