برصغیر دی موسیقی اُتے لتا منگیشکر نے جیہڑا رنگ چڑھایا اوس نوں اُترن وچ صدیاں لگن گیاں ‘ سجاد علی

لہور( پنجابی میڈیا گروپ) نامورگلوکارسجاد علی نے گلوکارہ لتامنگیشکر نوں بھرپور خراج عقیدت پیش کردیاں ہویاں آکھیا اے کہ کسی شخصیت دا ساڈھے درمیان ہونا نا ہونا وکھری گل اے کیونکہ ہمیشہ لئی تے کوئی وی نہیں رہندا، اصل وچ وڈھا نقصان ایہ اے کہ کوئی فنکار یا تے نوا کم کرنا بند کر دیوے یا اوس دے کم نوں بھلا دتا جائے۔ اک انٹر ویو وچ سجاد علی نے آکھیا کہ میں ایہ تے نہیں کہندا کہ لتا منگیشکر ورگی فنکار صدیاںوچ آئی سی تے نہ آئے گی کیونکہ ماضی وچ کیسے کیسے لوگ آکرچلے گئے ساہنوں کجھ نہیں پتہ تے ایسی طرح مستقبل دے ٹیلنٹ بارے کوئی پیشگوئی نہیں کر سکدا ۔