اگر اداکار نہ ہندا تے وکیل ہندا:’ نعمان اعجاز

لہور( پنجابی میڈیا گروپ) سینئر اداکارہ نعمان اعجاز ہوراں آکھیااے کہ اگر میں اداکار نہ ہندا تے وکیل ہندا بلکہ میں تاں وکالت دی باقاعدہ پریکٹس وی کر رکھی اے ۔اک انٹر ویو وچ نعمان اعجازنے آکھیا کہ میں1989-90ء وچ وکالت کیتی سی تے میںنے 2 توں3 ورھیاں تک اوس دی پریکٹس وی کیتی تے فیر ایس پاسے آ گیا ۔ میں کہندا ہاں کہ اداکاری اک دلدل ونگوں اے کہ تُسی اوس وچ صرف انگلی رکھو تے تُسی پورے دے پورے اوس وچ دھنس جاندے او ، ایس دا مطلب ایہ اے کہ تُسی اوس شعبے وچ آگئے او جیتھے واپسی دا کوئی رستہ نہیں ۔اوہناں نے آکھیا کہ میرا ایہ مننا اے کہ تہاڈی قسمت وچ جو لکھیا ہندا اے اوہی ہندا اے، میں اپنی موجودہ زندگی توں انتہائی مطمئن ہاں تے ایس اُتے خدا دی ذات دا جنا وی شکر ادا کراں اوہ گھٹ اے۔