شہر خموشاں دا منصوبہ لیٹ ہون دے خلاف تحریک التوا ئے کار جمع

لہور( پنجابی میڈیا گروپ)شہر خموشاں دا منصوبہ التوا ء دا شکار ہون دے خلاف پنجاب اسمبلی سیکرٹریٹ وچ تحریک التوا ئے کار جمع کر ادتی گئی ۔ مسلم لیگ (ن) دی رکن اسمبلی ربعیہ نصرت ولوں جمع کرائی گئی تحریک دے متن وچ آکھیا گیا اے کہ شہر دے4 وڈھے قبرستاناں لئی50 کروڑ روپے دی رقم جاری نہیںہوسکی جس پاروں محکمہ بلدیات دا شہر خموشاں منصوبہ التوا ء دا شکار ہوگیا اے ۔مسلم لیگ (ن)دے دور حکومت وچ ایس منصوبے دی بنیاد رکھی گئی سی تے ایس لئی16 سو 54کنال سرکاری اراضی لوکل گورنمنٹ دے سپرد کیتی گئی۔