ایس دور وچ عورتاں ہر شعبہ زندگی نال وابستہ ہوچکیاں نیں : ثمینہ پیرزادہ

لہور(پنجابی میڈیا گروپ ) سینئر اداکارہ ثمینہ پیرزادہ نے آکھیا اے کہ اج دے دور وچ عورتاں کسی وی میدان وچ مرداں توں پیچھے نہیں ، سارے شعبیاں وچ عورتاں مرداں دے شانہ بشانہ خدمتاں انجام دے رہیاں نیں ، بعض شعبیاں وچ مرداں دی نسبت عورتاں دی کارکردگی دا گراف اُچا جارہیا اے ۔ اک انٹر ویو وچ گل بات کردیاں ہویاں اوہناں نے آکھیا کہ جدید ویلے دے تقاضیاں پاروں اج عورتاں ہر شعبہ زندگی نال وابستہ ہوچکیاں نیں تے صنف نازک ہون دا تاثر بتدریج ختم ہندا جارہیا اے تے ایس رحجان دی شرح وڈھے شہراں وچ سبھ توں ودھ اے ۔