جدوں سمجھاں گی میراشوبز وچ ویلا پورا ہو گیا تے وکھ ہو جاواںگی ‘ خوشبو

لہور( پنجابی میڈیا گروپ ) نامور اداکارہ خوشبو نے آکھیا اے کہ میں زبردستی شوبز نال وابستہ نہیں رہواں گی بلکہ جدوں میں سمجھاں گی کہ میر اشوبز وچ ویلا پورا ہو گیا اے تے باوقار طریقے نال وکھ ہو جاواں گی ، بعض اداکاراں زبردستی کم کرن دی خواہشمند نیں تے اوہ سفارش نال کم لبھ وی لیندیاں نیں ۔اک انٹر ویو وچ خوشبو نے آکھیاکہ میں کسی دی دل آزاری نہیں کر رہی بلکہ حقیقت اُتے مبنی گل کر رہی ہاں ۔ پرستاراں نے فیصلہ کرنا ہندا کہ اوہ کسی فنکار نوں ہور کم کردیاں ویکھنا چاہندے نیں ۔ اوہناں نے آکھیا کہ میں تسلیم کردی ہاں کہ میں سینئر اداکارہ ہاں تے جونیئراں دی بھرپور حوصلہ افزائی تے رہنمائی کردی ہاں۔