کسی وی رشتے وچ مضبوطی دی علامت اعتماد اے ‘ فلمسٹار ریما

لہور ( پنجابی میڈیا گروپ) نامور اداکارہ ریما نے آکھیا اے کہ کسی وی رشتے وچ مضبوطی دی علامت اعتماد اے ، اگر میاں بیوی دے درمیان اعتماد نہ ہوئے تے زندگی گزارنا محال ہو جائے ، مرداں نوں خدا دی ذات نے وڈھا دل دتا اے تے میری خوش قسمتی اے مینوں آئیڈل شوہر ملیا اے ۔اوہناں نے اک انٹرویو دے دوران آکھیا کہ انسان اپنے ضمیر نوں حسد دی آلودگی توں بچائے تے اندر دی خوبصورتی آپئی نظر آندی اے ۔ اوہناں نے آکھیا کہ میرے شوہر ہر حوالے نال بھرپور تعاون کردے نیں تے میں وی اوہناں دیاں خواہشاں دا احترا م کردی ہاں ۔ اوہناں نے آکھیا کہ شوہر نوں گلوکار مہدی حسن بوہت پسند نیں تے اوہناں دا گانا ” میں تو مر کر بھی میری جان تجھے چاہوں گا ” اکثر سندے رہندے نیں ۔