ساڈے دور وچ عورتاں دی ترقی ؛پارٹی دے عزم دی آئینہ دار اے’ بلاول بھٹو

لہور( پنجابی میڈیا گروپ) پاکستان پیپلز پارٹی دے چیئرمین بلاول بھٹو زرداری نے آکھیا اے کہ پیپلز پارٹی صنفی مساوات لئی سرگرمِ عمل اے، پیپلز پارٹی نوںجدوں وی موقع ملیا اوس نے ہر شعبے وچ عورتاں نوں یکساں موقع لئی عملی اقدامات کیتے ،پاکستان نے پوری مسلم دنیا وچ پہلی وار اک عورت شہید محترمہ بینظیر بھٹو نوں وزیر اعظم منتخب کیتا ، پاکستان پیپلز پارٹی نے فخر نال ملک دیاں اعلی عدالتاں وچ عورتاں نوں جج مقرر کیتا۔ عورتاں دے عالمی دن اُتے اوہناں نے آکھیا کہ پیپلز پارٹی نے عورتاں نوں قومی اسمبلی وچ سپیکر تے ڈپٹی سپیکر منتخب کرایا ، شہید محترمہ بینظیر بھٹو نے ملک وچ فرسٹ ویمن بینک قائم کیتا ، عورتاں لئی وکھرے پلس اسٹیشن بنائے،شہید محترمہ بینظیر بھٹو نے لیڈی ہیلتھ ورکراں دا نیٹ ورک بنایا ، بے زمین عورتاں، کساناں نوں زمین دا مالک بنایا ، ملک وچ عورتاں، دوست ،قنون سازی دی ذمہ داری دا بیڑہ وی پاکستان پیپلز پارٹی ہی نے چُکیا۔