چوری،ڈکیتی دیاں وارداتاں شہریاں دی زندگی اجیرن بنا دتی اے، جماعت اسلامی

مکوآنہ(پنجابی میڈیا گروپ ) جماعت اسلامی دے راہنماواں پروفیسرمحبوب الزماںبٹ،انجینئرعظیم رندھاوا،میاںطاہرایوب،رانا سکندراعظم نے شہروچ چوری تے ڈکیتی دیاں ودھ ہندیاں وارداتاں اُتے تشویش دا اظہار کردیاں ہویاں آکھیا اے کہ چوری تے ڈکیتی دیاں وارداتاں نے شہریاں دیاں زندگیاں نوںاجیرن بنا رکھیا اے جس پاروں شہری شدید مشکلاں دا شکارہو رہے نیں ۔ عوام نے اگر از خود چوراں تے ڈاکوواں دا مقابلہ شروع کر دتا تے ایہ کسی وڈھے حادثہ دا سبب ثابت ہو سکدا اے۔ اوہناں نے آکھیا کہ شہر دے ارکان اسمبلی نے شہر دی حالت زار اُتے توجہ دین دی بجائے اپنی حالت سنوارنا شروع کر رکھی اے۔