عورتاں نوں با اختیار بنانا لازمی اے’ پروفیسر ڈاکٹر زاہرہ بتول

مکوآنہ(پنجابی میڈیا گروپ) گورنمنٹ کالج یونیورسٹی فیصل آباد دے شعبہ عمرانیات دے پربندھ ہیٹھ عورتاں دے عالمی دن اُتے اک دن لئی سیمینار دا انعقاد کیتاگیا۔ سیمینار دا مقصد عورتاں دی سماجی، سیاسی، اقتصادی تے تعلیمی جدوجہد نوں خراج تحسین پیش کرنا سی ۔عورتاں دے عالمی دن دے حوالے نال ایس ورھے دا تھیم”اک پائیدار کل لئی اج صنفی مساوات” دے ناں توں رکھیا گیا اے۔ جی سی یونیورسٹی فیصل آباد وچ منعقدہ تقریب دی مہمان خصوصی پروفیسر ڈاکٹر طیبہ شاہین چیئرپرسن فیصل آباد بورڈ تے محترمہ فرخ رضوان ڈائریکٹر سوشل ویلفئر ڈیپارٹمنٹ سن۔ چیئرپرسن شعبہ عمرانیات پروفیسر ڈاکٹر زاہرہ بتول نے ایس موقع اُتے اپنے خطاب وچ آکھیا کہ معاشی تے تعلیمی سرگرمیاں وچ عورتاں دا کردار نمایاں اے، ملکی ترقی وچ عورتاں دے کردار تے اہمیت نوں سمجھیا جانا چاہیدا اے