عمران نیازی اپنی کرسی بچان لئی انقلابی بن گیا اے :شہباز شریف

لہور( پنجابی میڈیا گروپ) مسلم لیگ (ن) دے صدر و قائد حزب اختلاف شہباز شریف نے آکھیا اے کہ پارلیمنٹ لاجز وچ جو کجھ کیتاگیا اوس نال عمران نیازی دا منہ اک وار فیر عیاں ہو گیا اے، اسیں آئینی تے قنونی طریقے نال عدم اعتماد دے معاملے نوں اگے ودھانا چاہندے ہاں لیکن ایہ اوچھے ہتھکنڈیاں،غیر آئینی تے غنڈہ گردی نال آئین دا رستہ روکنا چاہندے نیں، ایہ اپنی اناء لئی کرسی بچان لئی انقلابی بن گیا اے ، عمران نیازی سن لوبھگوڑے تم ہو تے اسیں تہانوں نٹھن نہیں دیاں گے، جب آئین و قنون دا سمندر اپنا رستہ بنائے گا تے جیہڑے چیلے اج تڑیاں لا رہے نیں اوہناں دیاں زباناں نوں تالے لگ جان گے ، وزیر اعظم کون ہوئے گا ایس دا فیصلہ اپوزیشن قیادت تے نواز شریف نے کرنا اے ۔ عدالت وچ پیشی توں بعد میڈیا نال گل بات کردیاں ہویاںشہباز شریف نے آکھیا کہ اسیں تحریک عدم اعتماد اسمبلی وچ جمع کرا دتی اے ہن اسپیکر14 دناں وچ اسمبلی اجلاس بلان دے پابند نیں۔