علیم خان دی نوازشریف نال ملاقات

لندن(پنجابی میڈیا گروپ) تحریک انصاف دے نراض رہنما علیم خان نے مسلم لیگ(ن)دے قائد نوازشریف نال لندن وچ ملاقات کیتی ۔ میڈیا رپورٹ دے مطابق تحریک انصاف دے نراض رہنما تے سابق صوبائی وزیر علیم خان نے مسلم لیگ (ن) دے قائد نواز شریف نال ملاقات کیتی، ایس حوالے نال علیم خان دے انتہائی قریبی ذرائع نے تصدیق کر دتی اے۔ذرائع نے دسیا کہ دوناں رہنماواں دے درمیان ہون والی طویل ملاقات وچ سیاسی امور اُتے مشورے کیتے گئے، علیم خان نے پنجاب وچ وزیراعلیٰ عثمان بزدار دی بیڈ گورننس دے حوالے نال نوازشریف نوں اپنے تحفظات توں آگاہ کیتا،نواز شریف نے سیاسی رہنما دی حیثیت نال علیم خان دے کردار نوں سراہیا۔