وزیراعظم دی ڈیرن سیمی نوں پاکستان دی اعزازی شہریت ملن تے مبارکباد

اسلام آباد: وزیراعظم عمران خان نے پاکستان دی اعزازی شہریت ملن تے ڈیرن سیمی نوں مبارکباد دتی اے۔ وزیراعظم عمران خان نال پی ایس ایل دے کھڈاری ڈیرن سیمی تے ہاشم آملہ نے ملاقات کیتی۔ ملاقات وچ کرکٹ دی بحالی اُتے تے پی ایس ایل بارے گل بات ہوئی۔

وزیراعظم نے ڈیرن سیمی نوں اعزازی شہریت ملن تے مبارکباد دتی تے آکھیا ہن تسیں شہری وی او۔ وزیراعظم آکھیا پاکستان وچ بین الاقوامی کرکٹ دی بحالی وچ تہاڈا کردار ہمیشہ یاد رکھیا جاوے گا، خوشی اے پورا پی ایس ایل پاکستان وچ ہو رہیا اے تے لوک خوش نیں تے سارے میچاں وچ سٹیڈیم بھرے ہوئے نیں جو پوری دنیا لئی پاکستان دا مثبت پیغام اے۔