عمران خان اُتےظلم دے خلاف دنیا وچ آوازاں اٹھ رہیاں نیں‘ مسرت چیمہ

لہور(پنجابی میڈیاگروپ)پاکستان تحریک انصاف دی مرکزی رہنما مسرت جمشید چیمہ نے آکھیا کہ قومی لیڈر عمران خان تے اوہناں دی جماعت دے نال ہون والے ظلم دے خلاف دنیا وچ آوازاں اُٹھ رہیاں نیں، زمان پارک وچ آپریشن دی آڑ وچ اتگردی تے اسلام آباد وچ جیہڑی بربریت کیتی گئی ایس اُتے عالمی تنظیماں نے مذمت کیتی اے۔ اپنے بیان وچ مسرت جمشید چیمہ نے آکھیا کہ امریکی کانگریس ممبر مائیک لیون نے وی انسانی تے جمہوری حقوق دی خلاف ورزیاںاُتے مذمتی بیان جاری کیتا اے۔ اوہناں نے آکھیا پوری دنیا نے ویکھیا کہ کس طرح حکومت دی ایماء اُتے پلس نے عمران خان دے گھر وچ چادر ، چار دیواری تے جمہوری اقدار نوں پامال کیتا ، انکروچمنٹ آپریشن دی آڑ وچ تعمیرات نوں نقصان پہنچایا گیا۔