(ن )لیگ، پی پی اپنے کیس ختم کرا لئے ورنہ حقیقی جیل جانا پئے گا،شیخ رشید

پنڈی (پنجابی میڈیاگروپ)سربراہ پاکستان عوامی مسلم لیگ تے سابق وفاقی وزیر داخلہ شیخ رشید احمد نے آکھیا اے کہ (ن )لیگ تے پیپلزپارٹی دی قیادت اپنے کرپشن دے کیس 30 اپریل تک ختم کرالین ورنہ اصلی تے حقیقی جیل جانا پئے گا ۔ سماجی رابطے دی ویب سائٹ ٹوئٹر اتے اپنے بیان وچ شیخ رشید احمد نے آکھیا کہ آئندہ 72 گھنٹیاں وچ الیکشن دا فیصلہ ہو جائے گا ، فیر الیکشن کمیشن جان تے سپریم کورٹ جان، عمران نوں طاقت نال نہیں کَڈیاجا سکدا، 90 دناں وچ نگران حکومت ختم ہو جائے گی، 13 دے ٹولے کول صوبیاں وچ کاغذات جمع کران لئی ممبر وی نہیں ۔ اوہناں نے آکھیا کہ شکر اے زمان پارک توں کلاشنکوف نکلی، توپ نہیں، کسی نوں احساس نہیں کہ غریب ایڑیاں رگڑ رگڑ کر مر رہیا اے، نوازشریف دا انتظار کردیاں کریاں لوگ تھک جاون گے، کل مری وچ سیشن جج عارف نسیم نے حکومت دی میری گرفتاری ضمانت منسوخی نوں خارج کر دتا، کل فائل زمین کھا گئی یا آسمان نگل گیا۔