اسیں اپنی بقا لئی ایٹمی اثاثیاں دی حفاظت کیتی:شاہ محمود قریشی

لہور(پنجابی میڈیاگروپ)پاکستان تحریک انصاف دے وائس چیئرمین شاہ محمود قریشی نے آکھیا اے کہ حکومتاں آندیاں جاندیاں نیں لیکن اسیں اپنی بقا تے دفاع لئی اپنے ایٹمی اثاثیاں دی حفاظت کیتی اے۔میڈیا نال گل بات کردیاں ہویاں سابق وزیر خارجہ شاہ محمود قریشی نے آکھیا اے کہ اسحاق ڈار وزیر خزانہ نیں تے گل ایٹمی اثاثیاںدی کر رہے نیں، اینہاں نوں نیو کلیئر پروگرام دی گل بات کرنی چاہیدی سی؟ سوال اے تُسی ایہ بیان کیوں دتا؟کَدی آکھیا جاندا اے کہ ساڈا سکیورٹی سسٹم مناسب نہیں، ایہ بلکل غلط اے، رضا ربانی نے وی اسحاق ڈار دے بیان اُتے تشویش دا اظہار کیتا۔شاہ محمود قریشی نے ہور آکھیا کہ رضا ربانی کہندے نیں ایہ قیاس آرائیاں جیہڑیاں جنم لے رہیاں نیں ایس وچ حقیقت کیہ اے؟ کیا وزیر خزانہ نوں غیر ذمے دارانہ گل کرنی چاہیدی اے؟ مہنگائی دا طوفان برپا ہو چکیا اے، آئی ایم ایف نال معاہدہ کیوں نہیں کر پا رہے؟ حکومتی سینیٹر وزیراعظم نال مطالبہ کر رہے ہاں وضاحت کرن، سینیٹرز کہہ رہے نیں وَدھ ہُندی اتگردی اُتے پارلیمنٹ نوں اعتماد وچ کیوں نہیں لیا جا رہیا؟سابق وزیر خارجہ نے آکھیا کہ اگر سمجھدے ہاں حساس گلاں نیں تے اوہناں نوں کیمرہ سیشن لیا جا سکدا اے، بھارتی وزیراعظم نے خطاب کیتا تے اوہ پاکستانی عوام نال مخاطب ہو رہے نیں، اج بھارت وچ جیہڑے آر ایس ایس سوچ غالب اے اوہ کسی توں چھپی ہوئی نہیں، وزیر اعظم عوام نوں دسن کہ وَدھ ہُندی ات گردی اُتے اعتماد وچ کیوں نہیں لئیا جا رہیا ، وزیر اعظم نوں قوم نوں اعتماد وچ لینا ہوئے گا۔