مجرماں دے ٹولے ولوں سپریم کورٹ اُتے حملے، عوام دی بھرپور مزاحمت جاری رہے گی‘عمران خان

لہور(پنجابی میڈیاگروپ)پاکستان تحریک انصاف دے چیئرمین و سابق وزیراعظم عمران خان نے آکھیا اے کہ اج پاکستان وچ قنون دی حکمرانی نہیں،پچھلے10مہینیاں توں جو کجھ ہو رہیا اے اسیں فسطائیت وَل وَدھ رہے ہاں۔اوہناں نے سماجی رابطے دی ویب سائٹ ٹوئٹر اُتے جاری بیان وچ آکھیا کہ مجرماں دے ٹولے ولوں سپریم کورٹ آف پاکستان اُتے حملے، اوس دے اختیارات نوں گھٹ کرن تے اوس نوں نیچا وکھان دیاں کوششاں دی عوام بھرپور مزاحمت کررہی اے تے ایہ مزاحمت جاری رہے گی۔عمران خان نے آکھیا کہ اسیں فسطائیت دے ایسی دور وَل جا رہے ہاں، پاکستان پچھلے10مہینیاں توں جس دے چنگل وچ اے ،نامعلوم افراد چادروچار دیواری دی حرمت پامال کردیاں ہویاںتحریک انصاف دے کارکناں تے سوشل میڈیاٹیم دے اراکاناں دے گھراں وچ گھس رہے نیں تے اوتھے موجود افراد مطلوبہ کارکن دی عدم موجودگی دی صورت وچ اہلِ خانہ تک نوں چُک رہے نیں۔