مذاکرات لئی تیار ہاں لیکن آئین و قنون توں ہٹ کے کوئی گل نہیں ہوئے گی،عمران خان

لہور(پنجابی میڈیاگروپ)پاکستان تحریک انصاف دے چیئر مین وسابق وزیر اعظم عمران خان نے آکھیا اے کہ ساریاں سرویز دے مطابق اسیں الیکشن وچ کلین سویپ کرسکدے ہاں ، پاکستانی فوج میری فوج اے تے پاکستان ساڈے ساریاںدا اے ،عدلیہ دی آزادی تے آئین اُتے کوئی سمجھوتہ نہیں ہو سکدا ،مذاکرات لئی تیار ہاں لیکن آئین و قنون توں ہٹ کے کوئی گل نہیں ہوئے گی۔ ایہہ گلاں اوہناں نے برطانوی ٹائمز ریڈیو نوں انٹر ویو تے اپنی رہائشگاہ اُتے صحافیاں دے وفد نال گل کردیاں ہویاں کیتیاں ۔ نجی ٹی وی دے مطابق غیر ملکی ریڈیو نوں دتے گئے انٹر ویو وچ عمران خان نے آکھیا کہ اسیں پاکستان وچ قنون دی حکمرانی چاہندے ہاں، ساڈے ملک وچ اشرافیہ قنون توں بالاتر اے۔