رات نوں عدالت کھلی تے ساڈی حکومت ہٹا دتی گئی، اج وہی بینج تے اوہی لوگ نیں‘ڈاکٹر یاسمین راشد

لہور(پنجابی میڈیاگروپ)پاکستان تحریک انصاف وسطی پنجاب دی صدر ڈاکٹر یاسمین راشد ہوراں آکھیا اے کہ اگر ساڈے بل گھراں وچ آسکدے نیں تے آٹے دی بوری وی گھراں وچ جاسکتی اے،پاکستان دے حالات واقعی خراب نیں، آٹے لئی لوگ خوار ہو رہے نیں، لوکاں دی تذلیل کیتوں بغیر اوہناں دی مدد کیتی جائے۔اج کل جیہڑی بحث چل رہی اے اوہ ایہ کہ کیا آئین رہے گا یا نہیں؟ رات نوں عدالت کھلی تے ساڈی حکومت ہٹا دتی گئی، اج اوہی بنچ اے اوہی لوگ نیں ۔ پارٹی رہنما محمود الرشید دے ہمراہ پریس کانفرنس کردیاں ہویاں ڈاکٹر یاسمین راشد ہوراں آکھیا کہ نواز شریف پچھلے3ورھیاں توںانگلینڈ وچ بیٹھے ہوئے نیں، نوازشریف کہندے نیں سپریم کورٹ دے فیصلے نوںقبول نہیں کراں گا، تہاڈے توں چنگے دی توقع ہی نہیں اے ،تُسی اپنی کرپشن دی منی ٹریل دے دیو گل ختم ہو جائے گی۔ایہ چاہندے نیں اوہناں دی مرضی دے مطابق نظام چلے۔