ایم کیو ایم سنے سب پرانے اتحادیاں نال رابطے بحال ہو چکے نیں،پرویزالٰہی

لہور( پنجابی میڈیاگروپ)سابق وزیر اعلیٰ پنجاب وپاکستان تحریک انصاف دے مرکزی صدر چودھری پرویز الٰہی نے آکھیا اے کہ ایم کیو ایم سنے سب پرانے اتحادیاں نال رابطے بحال ہو چکے نیں، ایم کیوایم دے اندر ایہ سوچ موجود اے کہ پی ڈی ایم دے نال ہور چلن دا کوئی فائدہ نہیں ۔ اپنے بیان وچ اوہناں نے اکھیا کہ ایم کیوایم نوں پی ڈی ایم نال اتحاددا سیاسی طوراُتے بوہت نقصان ہویا اے، بلوچستان حکومت تے جی ڈی اے وچ وی حکومت دی آئین تے ملک دشمن پالیسیاں اُتے سخت تحفظات پائے جاندے نیں ،عمران خان چھیتی ساریاں جماعتاں دااجلاس بلا کے اگلا لائحہ عمل دساں گے۔اوہناں نے آکھیا کہ نوازشریف ورگے مفرور مجرم دی سربراہی وچ حکومتی اجلاس قوم تے اداریاں دے نال سنگین مذاق اے۔