عمران خان نوں عدالتاں ریلیف دے رہیاں نیں ،رانا تنویرحسین

مریدکے(پنجابی میڈیاگروپ)وفاقی وزیر تعلیم رانا تنویر حسین نے آکھیا اے کہ عمران خان نوں عدالتاں ریلیف دے رہیاں نیں ،راتاں نوں عدالتاں توں آواز آندی اے کہ عمران خان آئوضمانت کروالو ،صدر علوی تے ججاںدے خلاف کسی کاروائی دا ارادہ نہیں ۔ مسلم لیگ (ن) دے رہنماواںچوہدری ارشد ورک ،چوہدری انعام اللہ ورک ،رانا احمد عتیق تے رانا ماجد دے ہمراہ عارضہ قلب وچ مبتلا سٹی پریس کلب مریدکے دے صدر رانا جعفر دی رہائشگاہ اُتے خیریت دریافت کرن اُتے گل کردیاں ہویاں رانا تنویر حسین نے آکھیا کہ صدرعارف علوی نے پی ٹی آئی دی عینک لارکھی اے، اوہ عمران خان دے منشی دا کردار ادا کرن دی بجائے اپنے عہدے دا پاس کرن کیونکہ صدر داآئینی کردار ہُندااے،اوہ آئین قنون دے دائرہ وچ رہ کے کردار ادا کرن ۔ جَد اوہناں توں سوال کیتا گیا کہ اگر 3رکنی بنچ پی ڈی ایم دے حق وچ فیصلہ دے دیون تے قبول ہوئے گا جس اُتے اوہناں نے مسکراندیاں آکھیا اینج ہونہیں سکدا۔