پاکستان وچ اج آئین دی بالادستی تے جمہوریت دا تناور درخت اے ‘راجہ پرویزاشرف

مریدکے(پنجابی میڈیاگروپ)اسپیکر قومی اسمبلی راجہ پرویز اشرف ہوراںآکھیا پاکستان وچ اج آئین دی بالادستی تے جمہوریت دا تناوردرخت اے ،محفوظ ایٹمی پاکستان دے پیچھے شہید ذوالفقار علی بھٹو تے شہید بی بی محترمہ بینظیر بھٹو دا خون تے آصف علی زرداری دی حکمت دانائی اُتے مبنی پاکستان کھپے دا نعرہ تے سیاست اے ۔ مریدکے توں پیپلز پارٹی دے رہنما چوہدری صابر حسین بھلہ تے لالہ محمد فاروق مغل دی قیادت وچ ملن والے وفد نال گل بات کردیاں ہویاں اوہناں نے آکھیا کہ پاکستان پیپلز پارٹی نے ہمیشہ اداریاں دی مضبوطی تے جمہوریت دے تسلسل دی گل کیتی اے، نفرت تے بدلے دی سیاست پیپلز پارٹی دے خمیر وچ شامل نہیں ۔اوہناں نے آکھیا پیپلز پارٹی نے پاکستان تے اوس دی اساس جمہوریت دی خاطر شہادتاں دتیاں قربانیاں دتیاں نقصان کیتے تکلیفاں جھیلیاں مگر اف تک نہ کیتی ،اج وی ساڈی پارٹی دا کردار پاکستان دے اداریاں دی مضبوطی تے جمہوریت لئی اے ،ساریاں جماعتاں دا احترام کردے ہاں تے جمہوری رویہ اپنان دی اُمید کردے ہاں۔