ایہ اک انجکشن لاندے نیں جس نال بندہ آہستہ آہستہ مرجاندا اے:عمران خان

اسلام آباد(پنجابی میڈیاگروپ)پاکستان تحریک انصاف دے چیئرمین عمران خان نے آکھیا اے کہ ایہ انجکشن لاندے نیں تے بندہ آہستہ آہستہ مرجاندااے۔سابق وزیراعظم نوں القادریونیورسٹی کیس وچ احتساب عدالت ساہمنے پیش کیتا گیا تے نیب نے اوہناںدے 14دن لئی جسمانی ریمانڈدی استدعا کردتی۔پلس لائنز وچ ہون والی سماعت دوران عمران خان نے عدالت وچ بیان دتا اے کہ مینوں گرفتاری دے بعد نیب آفس پہنچن اُتے وارنٹ وکھائے گئے،کیہڑا ریکارڈ نیب نوں چاہیدا جیہڑا میں نہیں مَن رہیا، نیب کہہ رہیا اے کہ اسیں ریکارڈ اکٹھا کرنا اے،جیہڑا وی پیسہ آئیا سی کابینہ دی منظوری نال آئیا سی،ایس وچ ساڈے کول 2آپشناں ہُندیاں نیں یا تے اسیں مَن جائے تے پیسہ آجائے گا،دُوجا ساہنوں قنونی چارہ جوئی کرنی ہُندی اے تے اسیں ہرکیس ہارجاندے ہاں،اسیں قنونی چارہ جوئی اُتے اج تک100ملین روپے لا چکے ہاں۔چیئرمین پی ٹی آئی نے آکھیا کہ مینوں حراست وچ لئیا گیا تے شیشے توڑے گئے، میں کہندا ہاں میرے نال مقصود چپڑاسی والا کم نہ ہوجائے، ایہ اک انجکشن لاندے نیں جس نال بندا آہستہ آہستہ مرجاندا اے۔عمران خان نے احتساب عدالت سامنے اہم بیان دتا کہ میں24گھنٹے توں واش روم نہیں گیا،میرے معالج ڈاکٹر فیصل نوں بلایا جائے۔