تحریک انصاف دے شرپسنداں نال کسی قسم دی رعایت نہ وَرتی جائے:مریم نواز

لہور(پنجابی میڈیاگروپ)مسلم لیگ(ن)دی چیف آرگنائزر مریم نواز نے اکھیا اے کہ فتنہ دی گرفتاری دے بعد پورے پاکستان وچ کِدھرے وی عوام باہر نہیں نکلی، صرف اوہ تربیت یافتہ بلوائی باہر آئے جنہاں نوں پچھلے کئی مہینیاں توں زمان پارک وچ ٹریننگ دتی جا رہی سی ۔ اپنے اک بیان وچ سابق وزیراعظم نواز شریف دی صاحبزادی مریم نواز نے اکھیا کہ اج سامنے آن والی آڈیوز توں وی ایہ گل ثابت ہو گئی کہ ایس تخریب کاری دا منصوبہ عمران خان نے آپئی بنایا ہویا سی تے اوہ تنصیبات مارک کیتی ہوئی سن جیتھے اوس دی گرفتاری دی صورت وچ حملہ کیتا جانا سی۔مریم نواز نے ہور آکھیا اے کہ عوام نے تحریکِ انصاف دے ات گرداں نوں اپنیاں آکھاں نال ویکھ لئیا اے تے کسی احتجاج دا حصہ بنن توں انکار کردتا اے، ایہ عمران خان دی تخریبی سیاست دے منہ اُتے بوہت وڈا طمانچہ اے، حکومت نوں اینہاں شرپسنداں نال کسی قسم دی رعایت نہیں وَرتنی چاہیدی۔