ہاؤس جاب دا سرٹیفکیٹ نہ دین دے خلاف ڈاکٹراں دی عرضی، عدالت وزارت صحت تے برہم

اسلام آباد: ہاؤس جاب لئی سرٹیفکیٹ نہ دین دے خلاف 16ڈاکٹراں نے اسلام آباد ہائی کورٹ نال رجوع کر لیا۔ جسٹس محسن اختر کیانی نے وزارت صحت تے برہمی دا اظہار کردیاں سیکرٹری صحت نوں ذاتی حیثیت وچ طلب کر لیا۔

ریمارکس دتے کہ سیکرٹری کرونا ٹیسٹ کرا کے آن اوہناں نوں جیل گھلیا جا سکدا اے۔ دوران سماعت جسٹس محسن اختر کیانی آکھیا سیکرٹری صحت پیش ہو کے وضاحت کرن کہ سرٹیفکیٹ کیوں جاری نہیں کیتے گئے۔ عدالت پی ایم ڈی سی نوں بحال کر چکی اے۔

بحالی دے باوجود ایہناں بالاں نوں سرٹیفکیٹ کیوں نہیں دتے گئے۔ درخواست گزار نے استدعا کیتی کہ عدالت پی ایم ڈی سی نوں سرٹیفکیٹ جاری کرن دا حکم دیوے۔ عدالت نے فریقین توں جواب طلب کر دیاں سماعت 25مارچ تک ملتوی کر دتی۔

عدالت نے سیکرٹری صحت نوں پی ایم ڈی سی کیس وچ وی 25مارچ نوں طلب کر رکھیا اے۔