حکومت نے بجلی 3روپے 28پیسے فی یونٹ مہنگی کرن دی منظوری دے دتی
بجلی صارفین نوں 6مہینیاں وچ ودھ ادائیگیاں کرنا ہون گیاں، نیپرادا نوٹیفکیشن جاری
اسلام آباد(بیوروروپورٹ)نیشنل الیکٹرک پاور ریگولیٹری اتھارٹی (نیپر)نے وفاقی حکومت توں منظوری بعد بجلی مہنگی کرن دا اپنا فیصلہ جاری کردتا جس دے مطابق فی یونٹ بجلی 3 روپے 28 پیسے مہنگی کرن دی منظوری دے دتی گئی ،نیپرا نے سہ ماہی ایڈجسٹمنٹ دی مد وچ فی یونٹ بجلی 3 روپے 28 پیسے مہنگی کرن دی منظوری دتی سی،ہن وفاقی حکومت توں منظوری بعد نیپرا نے بجلی مہنگی کرن دا نوٹیفکیشن جاری کردتا۔نیپرا نوٹیفکیشن دے مطابق بجلی صارفین نوں6 مہینیاں وچ ودھ ادائیگیاں کرنا ہون گیاں، بجلی صارفین اکتوبر 2023 توں مارچ 2024 تک ادائیگیاں کرن گے۔نوٹیفکیشن وچ آکھیا گیا کہ سہ ماہی ایڈجسٹمنٹ وچ ودھا دا اطلاق کے الیکڑک صارفین اتے وی ہوئے گا۔
Users Today : 233
Users Yesterday : 584
Total Users : 730040
Views Today : 640
Total views : 11614034
Who's Online : 3
