فری اینڈ فیئر الیکشن سیاسی جماعتاں دے وس دی گل نہیں، سینیٹر رضاربانی

کوئی سیاسی جماعت، کوئی ادارہ اکیلا ملک نوں موجودہ بحران توں نہیں کڈ سکدا، ایہ کام مل کے کرنا ہو ئے گا،خطاب
اسلام آباد(بیوروروپورٹ)پاکستان پیپلز پارٹی دے رہنما، سابق چیئرمین سینیٹ رضا ربانی نے آکھیا اے کہ سیاسی جماعتاں اگر چاہن وی کہ الیکشن فری اینڈ فیئر ہون، ایہ اونہاں دے وس دی گل نہیں،ملک وچ شفاف الیکشن لئی سب جماعتاں نوں برابری دا موقع دیون،صرف الیکشن دا انعقاد سیاسی استحکام نہیں لیاندا،معیشت دا معاملہ آئندہ حکومت ہی آ کے ویکھے گی، ہر ادارہ آئینی حدود وچ رہندیاں ہویاں اپنے کردار نوں ادا کرے،۔پیر نوں سابق چیئرمین سینیٹ رضا ربانی نے اپنی سربراہی وچ پاکستان وچ الیکشن، سیاسی استحکام تے معاشی بحالی دے موضوع اتے منعقدہ پریس کانفرنس نال خطاب کردیاں ہویاں آکھیا کہ کسی سیاسی جماعت اتے پابندی نہ ہوئے ، سیاسی انجینئر نگ ہوئے گی تے ممکن نہیں ہو سکے گا کہ فری اینڈ فیئر الیکشن ہون۔