لیسکو دے پنجاں ضلعیاں وچ بجلی چوراں دے خلاف آپریشن جاری

26ویں دن دے دوران501افراد بجلی چوری کردے پھڑے گئے، ترجمان لیسکو
لہور(پنجابی میڈیا گروپ)وزیر اعظم پاکستان تے وزارت توانائی دی ہدایت اتے لیسکو دے چیف ایگزیکٹو انجینئر شاہد حیدر دی زیر نگرانی لیسکو دے پنجوں ضلعے لہور، شیخوپورہ، قصور، ننکانہ تے اوکاڑہ وچ بجلی چوراں دے خلاف آپریشن بھر پور طریقے نال جاری اے۔ لیسکو ترجمان ولوں جاری کردہ اعلامیے دے مطابق لیسکو وچ 26ویں دن دے آپریشن دے دوران ساریاں ضلعیاں وچ501کنکشن بجلی چوری وچ ملوث پائے گئے۔ 498بجلی چوراں دے خلاف ایف آئی آراں دیاںدرخواستیں متعلقہ تھانیاں وچ دائر کر دتیاں گئیاں نیں جنہاں وچوں291 ایف آئی آراں رجسٹرڈ ہو چکیاں نیں جدکہ 132 ملزماں نوں گرفتاروی کیتا گیا اے، پھڑے جان والے کنکشناں وچ کمرشل13، زرعی 9، انڈسٹریل2 تے 477ڈومیسٹک سن۔سارے کنکشن منقطع کرکے اونہاں نوں(7لکھ 58ہزار52 )یونٹ ڈٹیکشن بل دی مد وچ چارج کیتے گئے نیں جنہاں دی مالیت (3کڑور99لکھ 80ہزار 7 سو 50) روپے اے۔بجلی چوراں دے خلاف کیتے جان والے آپریشن وچ وڈھے کمرشل صارفین وی بجلی چوری وچ ملوث پائے گئے۔