سردیاں توں پہلاں ہی لہور وچ آلودگی ودھنا تشویش دی گل اے،شیری رحمان

لہور(پنجابی میڈیا گروپ)سینیٹر شیری رحمان نے لہور وچ سموگ تے ایئر کوالٹی ودھن بارے بیان دیندیاں ہویاں آکھیا اے کہ سردیاں توں پہلاں ہی لہوردا شدید آلودگی دی لپیٹ وچ آنا باعث تشویش اے۔شیری رحمان نے آکھیا اے کہ اکتوبر دے پہلے ہفتے وچ ہی ایئرکوالٹی انڈیکس دی شرح 200 توں اتے چلی گئی اے، ایہ خطرناک تے مضر صحت حد اے جس وچ ہر شہری تے خاص طور اتے حساس طبقے،بیمار، بچے، بوڑھے،ودھ متاثر ہو سکدے نیں۔اونہاں نے آکھیا اے کہ بارش پاروں ایئر کوالٹی انڈیکس وچ بہتری مستقل نہیں، مینوں ڈر اے کہ کجھ دناں وچ آلودگی تے سموگ وچ اک وار فیر ودھا ہوئے گا، اک دن شہر بند رکھن نال وی ایس مسئلے دا تدارک ممکن نہیں اے۔