پی ٹی آئی دی لبرٹی چوک اتے جلسے دی اجازت لئی درخواست اتے سماعت نہ ہو سکی

لہور(پنجابی میڈیا گروپ)پی ٹی آئی دی لہور ہائیکورٹ وچ لبرٹی چوک اتے جلسہ کرن دی اجازت دین لئی درخواست اتے سماعت نہ ہو سکی۔لہور ہائیکورٹ دے جسٹس راحیل کامران دے رخصت ہون پاروں درخواست اتے اج سماعت نہ ہوسکی، لبرٹی چوک اتے جلسے لئی پی ٹی آئی دے ایڈیشنل سیکرٹری عظیم اللہ خان ولوںلہور ہائیکورٹ وچ درخواست دائر کیتی گئی سی۔درخواست وچ ڈی سی لہور سنے ہوراں نوں فریق بنایا گیا جس وچ موقف اختیار کیتا گیا اے کہ 5دن پہلاں متعلقہ فریقین نوں جلسے دی اجازت لئی درخواست دتی، پر امن جلسہ کرنا ہر اک دا آئینی حق اے۔درخواست گزار ولوں استدعا کیتی گئی اے کہ عدالت لبرٹی چوک اتے 15 اکتوبر نوں شامیں 7 وجے جلسہ کرن دی اجازت دیوے، عدالت جلسے لئی سکیورٹی انتظام فراہم کرن لئی وی حکم جاری کرے۔