گیس دی قیمت ودھان لئی سمری تیار

لہور(پنجابی میڈیا گروپ)وزارت پیٹرولیم نے یکم اکتوبر توں صارفین اتے گیس دی قیمت دا ہور بوجھ پان دی تیاری مکمل کر لئی اے۔وزارت پیٹرولیم دے ذرائع دا کہنا اے کہ گیس دی قیمت وچ200 فیصد تک ودھا دی سمری تیار کیتی گئی اے، جس وچ پروٹیکٹیڈ گیس صارفین لئی فکسڈ ماہانہ چارج ودھان دی تجویز دتی گئی اے۔ذرائع مطابق فکسڈ چارجز10 روپے توں ودھا کے 400 روپے کرن جدکہ گھریلو صارفین لئی گیس 172 فیصد تک مہنگی کرن دی تجویز دتی گئی اے۔ اوس دے علاوہ ہور صارفین لئی گیس دی قیمت وچ 198.33 فیصد تک ودھا دی تجویز دتی گئی اے۔ذرائع دا کہنا اے کہ گیس دی قیمت وچ ودھا دا اطلاق یکم اکتوبر توں کرن دی تجویز وی دتی گئی اے۔گیس دی قیمت ودھان لئی سمری ای سی سی وچ پیش کیتی جائے گی، اقتصادی رابطہ کمیٹی دی منظوری بعد نگراں کابینہ سمری دی حتمی منظوری دے دتی۔