شہباز شریف نال مولانا فضل الرحمان دی ملاقات، اتحاد برقرار رکھن اتے اتفاق

لہور(پنجابی میڈیا گروپ)سابق وزیراعظم تے پاکستان مسلم لیگ(ن)دے صدر شہبازشریف نال جمعیت علما اسلام تے پی ڈی ایم دے سربراہ مولانا فضل الرحمن دی ملاقات ہوئی اے۔تفصیل دے مطابق مولانا فضل الرحمن نے شہبازشریف نال اونہاں دی رہائش گاہ اتے ملاقات کیتی، دوناں رہنماواں نے مجموعی سیاسی صورتحال تے شفاف، آزادانہ تے منصفانہ الیکشن بارے تبادلہ خیال کیتا تے مشاورت و اشتراک دے عمل توں اگے ودھن دا فیصلہ وی کیتا جدکہ دوناں قائدیناں اتفاق کیتا کہ ملک نوں بحراناں توں متحد ہو کے نمٹیا جاسکدا اے لیگی صدر نے آکھیا کہ قائد نوازشریف دی وطن واپسی بعد سیاسی وجمہوری نظام مضبوط ہوئے گا۔جے یو آئی سربراہ نے آکھیا کہ نوازشریف دیوطن واپسی پاکستان لئی چنگی خبر اے، سچ بے نقاب ہوچکیا اے کہ نوازشریف سیاسی انتقام دا نشانہ بنائے گئے، نوازشریف تے اونہاں دے خاندان نوں ناحق ستایا گیا،ایہ تریخ دا سیاہ تے افسوسناک باب رہے گا۔