الیکشن کمیشن دا عمران خان دے پروڈکشن آرڈر جاری کرن دا فیصلہ

اسلام آباد(پنجابی میڈیا گروپ)چیئرمین پی ٹی آئی نوں پیش کرن لئی الیکشن کمیشن نے پروڈکشن آرڈر جاری کرن دا فیصلہ کرلیا۔چیئرمین پی ٹی آئی اتے فرد جرم عائد کرن لئی الیکشن کمیشن تے چیف الیکشن کمشنر دی توہین دے کیس دی سماعت ہوئی۔چیئرمین پی ٹی آئی دے وکیل شعیب شاہین نے آکھیاکہ سیکورٹی دے بہانے باقی عدالتاں وچ چیئرمین پی ٹی آئی نوں پیش نہیں کیتا جارہیا، پروڈکشن آرڈر جاری کرن تاکہ چیئرمین پی ٹی آئی ایتھے پیش ہون ۔ ممبر سندھ نثار درانی نے آکھیا کہ چیئرمین پی ٹی آئی تے پہلاں ایتھے آندے نہیں سن ہن پروڈکشن آرڈر دا کہہ رہے نیں، تسی شوکاز نوٹس دا جواب جمع کراو، پروڈکشن آرڈر اسیں جاری کر دتے نیں تے سیکیورٹی لئی آئی جی جیل خانہ جات نوں لکھ دتے نیں۔ممبر بلوچستان شاہ محمد جتوئی نے آکھیا کہ اسیں فرد جرم عائد کردیاں گے۔ کمیشن نے کیس دی سماعت 24 اکتوبر تک ملتوی کردتی۔