نواز شریف نوں واپس آ کے قنون دا سامنا کرنا پئے گا، نگران وزیراعظم

اسلام آباد(پنجابی میڈیا گروپ)نگران وزیراعظم انوار الحق کاکڑ نے آکھیا اے کہ نواز شریف واپس آ کے سیاست وچ حصہ لینا چاہندے نیں تے اونہاں نوں کئی قنونی رکاوٹاں دا سامنا کرنا پئے گا۔ڈیجیٹل میڈیا پلیٹ فارم نوں دتے گئے انٹرویو وچ نگران وزیراعظم انوار الحق کاکڑ نے آکھیا کہ سابق وزیراعظم نواز شریف دی وطن واپسی دے فیصلے نال نگران حکومت دا کوئی لینا دینا نہیں۔اونہاں نے آکھیا کہ نواز شریف دی واپسی لئی نگران حکومت دی کسی نال ڈیل ہون دا تاثر غلط اے ، نگران حکومت کوئی وی ایسی ڈیل کسطرح کر سکدی اے، مسلم لیگ ن سنے کسی وی سیاسی جماعت لئی کوئی نرم گوشہ نہیں اے نگران وزیراعظم دا ہور کہنا سی کہ نواز شریف پی ٹی آئی دور حکومت وچ عدالت دی اجازت توں باہر گئے سن، آصف زرداری ہون، نواز شریف یا چیئرمین پی ٹی آئی سب نوں اپنے مقدمیاں لئی قنونی حل لبھنا پئے گا۔