وفاقی حکومت نے نیب ترمیم دا فیصلہ سپریم کورٹ وچ چیلنج کر دتا

اسلام آباد(پنجابی میڈیا گروپ)وفاقی حکومت نے نیب ترمیم نوں کالعدم قرار دین دے فیصلے خلاف اپیل دائر کر دتی جس وچ نیب ترمیم دے خلاف فیصلے نوں کالعدم قرار دین دی استدعا کیتی گئی۔سابق چیف جسٹس عمر عطا بندیال تے جسٹس اعجاز الاحسن نے نیب ترمیم کالعدم قرار دتی سی جدکہ جسٹس منصور علی شاہ نے نیب ترمیم نوں درست قرار دیندیاں ہویاں اختلافی نوٹ تحریرکیتا سی۔وفاقی حکومت نے سپریم کورٹ توں استدعا کیتی اے کہ نیب ترمیم نوں بحال کیتا جائے، نیب ترمیم نال بنیادی حقوق دی خلاف ورزی نہیں تے قنون سازی پارلیمان دا اختیار اے۔درخواست گزار زبیر احمد صدیقی نے وی پریکٹس پروسیجر قنون تحت نیب ترمیم فیصلے خلاف اپیل دائر کر رکھی اے جس وچ نیب ترمیم خلاف فیصلہ کالعدم قرار دین دی استدعا کیتی گئی اے۔