خیبرپختونخوا وچ بجلی دی لوڈشیڈنگ ختم کرن دافیصلہ کالعدم

اسلام آباد( پنجابی میڈیا گروپ) سپریم کورٹ نے خیبر پختونخوا وچ بجلی دی لوڈشیڈنگ ختم کرن دا فیصلہ کالعدم قرار دے دتا۔عدالت عظمی ولوں باقاعدگی نال بل ادا کرن والے صارفین نوں بجلی دی بلاتعطل فراہمی دا پشور ہائیکورٹ دا فیصلہ کالعدم قرار دتا گیا اے۔سپریم کورٹ نے ریمارکس دتے کہ پشور ہائی کورٹ دا لوڈ شیڈنگ ختم دا حکم قنون دے برخلاف اے ایس لئی لوڈشیڈنگ نال متاثرہ افراد نیپرا توں رجوع کرن، قنون وچ ڈسکوز دے خلاف نیپرا اتھارٹی تے ٹربیونل دے فورم قائم کیتے گئے نیں، متعلقہ فورم دے ہُندیاں ہویاں ہائیکورٹ براہ راست حکم جاری نہیں کر سکدی۔وکیل پیسکو نے آکھیا کہ ہائیکورٹ نے لوڈشیڈنگ دی صورت وچ حکام دے خلاف مقدمے درج کران دا حکم دتا، لوڈ شیڈنگ پورے ملک دا مسئلہ اے پیسکو حکام دے خلاف مقدمے بلاجواز ہون گے۔