ایندھن بحران؛ پی آئی اے دافلائٹ آپریشن بری طرح متاثر، ہزاراں مسافر پریشان

کراچی( پنجابی میڈیا گروپ)پی آئی اے مالی بحران تے پی ایس او توں ایندھن نہ ملن پاروں قومی ائرلائن دا فلائٹ آپریشن درہم برہم ہوگیا، جس نال ہزاراں مسافر پریشانی نال شدید ذہنی کوفت دا سامنا کررہے نیں۔کئی دناں توں وِگڑے ہوئے فلائٹ آپریشن پاروںمقامی تے بین الاقوامی پروازاں کئی کئی گھنٹے لیٹ ہو رہیاں نیں جَد کہ پی ایس او نال پی آئی اے نوں تاحال ویلے اُتے ایندھن دی فراہمی ممکن نہیں ہوسکی۔ذرائع مطابق پی آئی اے دی کراچی توں تربت جان والی صبح7وَجے دی پرواز پی دے 501ویلے اُتے روانہ نہیں ہو سکی تے ایندھن نہ ملن پاروں تربت دی پرواز 6 گھنٹے لیٹ ہون نال دوپہر 1وجے شیڈول کردتی گئی اے۔پی آئی اے دی کراچی توں اسلام آباد جان والی صبح 7وجے دی پرواز ساڑھے 3گھنٹے تاخیردا شکار اے۔ذرائع مطابق پی آئی اے دے انتظامی مسائل پاروں اج اندرون ملک دیاں 16 پروازاں منسوخ کیتیاں گئیاں نیں،ایئر پورٹ شیڈول مطابق کراچی توں رحیم یار خان لئی پی آئی اے دیاں2 پروازاں پی کے 582 تے پی کے 583، سکھر روٹ دی پرواز پی کے 536 تے پی کے 537، کراچی توں پشور لئی پی کے 350 تے پی کے 351، کراچی توں ملتان لئی پی کے 330 تے پی کے 331 منسوخ کیتیاں گئیاں نیں۔منسوخ ہون والیاں پروازاں وچ اسلام آباد توں گلگت دیاں 2 پروازاں پی کے 601 تے 602، اسلام آباد توں کوئٹہ لئی پی کے 725 تے پی کے 726، اسلام آباد توں سکھرلئی پی کے 631 تے پی کے 632، اسلام آباد توں گلگت لئی پی کے 605 تے 606 وی شامل نیں ۔ ذرائع مطابق اوس دے علاوہ نجی ایئر لائناں دی منسوخ ہون والی پروازاں وچ دمام توں آن والی پرواز پی ایف 743، لہورتوں کراچی لئی پی ایف 144، کراچی توں اسلام آباد لئی پی ایف 121، لہور لئی پی ایف 143 وی منسوخ ہو گئی اے۔اسلام آباد توں جدہ جان والی نجی ایئر لائن دی پروازیں پی ایف 718 تے پی ایف 719، اسلام آباد توں کراچی لئی پی ایف 122 تے پی ایف 126 وی منسوخ کر دتیاں گئیاں۔