لہوروچ ٹرانسپورٹ دے کرائے 15فیصد گھٹ کرن دا فیصلہ

لہور(پنجابی میڈیا گروپ)انٹرسٹی بسوں،گڈزٹرانسپورٹ کرائیاں بارے مسافراںلئی وڈھی خوش خبری سامنے آگئی۔وزیر اعلی پنجاب دی ہدایت اُتے تیل دی قیمت گھٹن دا ریلیف نوں عوام تک آنا چاہیدا اے۔ ضلعی انتظامیہ دے موٹر ٹرانسپورٹ فیڈریشن دے عہدے داراں نال مذاکرات کامیاب ہوگئے جنہاں وچ کیتے گئے فیصلیاںدے فوری اطلاق اُتے اتفاق کیتا گیا اے۔موٹر ٹرانسپورٹ فیڈریشن ٹرانسپورٹ دے کرایاں وچ 10 توں 15 فیصد تک کمی کرے گی، پرائیویٹ اڈیاں توں چلن والی ٹرانسپورٹ دے کرائے وی 10 فی صد فیصد گھٹ کیتے جان گے۔انٹر سٹی اے سی، ناں اے سی بساں دے کرایاں وچ فورا 15 فیصد کمی کیتی جائے گی جدکہ گڈز ٹرانسپورٹرز مال برادری گڈیاں دے کرایاں وچ10 فیصد تک کمی کرن گے۔ڈی سی لہور رافعہ حیدر نے آکھیا کہ موٹر ٹرانسپورٹ فیڈریشن نے کرایاں وچ فوری کمی اُتے رضامندی ظاہر کیتی اے، تیل دی قیمت گھٹ ہون نال شیواں دی نقل و حمل دے خرچے وی گھٹ گئے نیں۔اونہاں نے زور دتا کہ پٹرول سستا ہون اُتے کاروباری افراد ہور مصنوعات دیاں قیمتاں وچ وی کمی کرن، وزیر اعلی پنجاب دی ہدایت مطابق عوام تک ہر ممکن ریلیف پہنچان لئی کوشاں نیں۔