نواز شریف واپسی؛ منفی قیاس آرائیاں کرن والے تھوڑا انتظار کرن،عرفان صدیقی

اسلام آباد( پنجابی میڈیا گروپ)سینیٹر عرفان صدیقی نے آکھیا اے کہ نواز شریف دی واپسی بارے منفی قیاس آرائیاں کرن والے تھوڑا انتظارکرن۔سماجی رابطے دی ویب سائٹ ایکس اُتے اپنے بیان وچ پاکستان مسلم لیگ ن دے سینیٹر عرفان صدیقی نے آکھیا اے کہ نواز شریف نے جے آئی ٹی تے عدالتاں وچ سینکڑاں پیشیاں بھگتیاں نیں۔اونہاں نے آکھیا کہ منفی قیاس آرائیاں کرن والے تھوڑا انتطار کرن۔ نواز شریف نے ہمیشہ قنون دی پاس داری کیتی اے۔کسی نوں کوئی شک و شبہ نہیں ہونا چاہیدا۔ اوہ نواز شریف انشاء اللہ اجے وی وطن واپس پہنچ کے سارے قنونی تقاضے پورے کرن گے۔واضح رہے کہ 2 مہینے پہلاں نجی ٹی وی نوں دتے گئے اپنے اک انٹرویو وچ سینیٹر عرفان صدیقی نے آکھیا سی کہ ساڈھی پارٹی نے 18 مہینے اقتدار سنبھالیا تے اوس دی قیمت وی ادا کیتی اے۔ اونہاں نے آکھیا کہ سادھی جماعت نوں نقصان پہنچیا اے۔ مارچ تک عام الیکشن ہُندے تے نواز شریف نوں چوتھی وار وزیراعظم بن داویکھ رہیا ہاں۔