ایران دی اسرائیل خلاف کجھ گھنٹیاں وچ کارروائی دی وارننگ

ایران ( پنجابی میڈیا گروپ)ایران نے اسرائیل خلاف کجھ گھنٹیاں وچ کارروائی دی وارننگ دے دتی۔ ایران دے وزیر خارجہ حسین امیر عبدالہیان نے آکھیا کہ غزہ وچ اسرائیل دے جرائم اُتے خاموش تماشائی نہیں بنے رہ سکدے ایس لئی مزاحمتی محاذ دا حملہ ممکن اے تے ایران دا خود جنگ وچ رَلتی ہونا وی خارج از امکان نہیں۔واضح رہے کہ 7 اکتوبر توں اسرائیل دی غزہ اُتے جارحیت جاری اے جس دوران مسلسل بمباری وچ 2800 توں وَدھ فلسطینی شہید ہوگئے نیں، شہیداں وچ اک ہزار توں وَدھ بال تے 400 توں وَدھ عورتاں وی شامل نیں۔دُوجے پاسے اسرائیلی وزیر دفاع نے اسرائیل فلسطین جنگ طویل ہون دی دھمکی دتی اے۔تل ابیب وچ امریکی وزیر خارجہ انٹونی بلنکن نال ملاقات وچ اسرائیلی وزیر دفاع دا کہنا سی کہ امریکا ساڈھاعظیم اتحادی اے، امریکی اعلی حکام روز اسرائیل آ رہے نیں۔