فلسطین سفارتی تنازع: کولمبیا نے اسرائیلی سفیر نوں ملک چھڈن داکہہ دتا

کولمبیا(پنجابی میڈیا گروپ)کولمبیا نے فلسطین دے معاملے اُتے سفارتی تنازع دے بعد اسرائیل دے سفیر نوں ملک چھڈن دا کہہ دتا۔پیٹرو نے ٹوئٹراُتے اک پوسٹ وچ اسرائیلی وزیر دفاع یوو گیلنٹ اُتے غزہ دے لوکاں بارے وچ ویسی ہی زبان استعمال کرن دا الزام لائیا جیہڑا نازیاں نے یہودیاں لئی استعمال کیتی سی۔7 اکتوبر نوں حماس نے اسرائیلی اڈیاں تے بستیاں اُتے حملہ کیتا سی جس وچ 1400 توںوَدھ اسرائیلی ہلاک ہوئے، ایس حملے دے بعد اسرائیل نے غزہ دی پٹی اُتے شدید بمباری شروع کر دتی جس وچ 2800 توں ودھ فلسطینی شہید ہو چکے نیں جنہاں وچ اک ہزار توںوَدھ بال وی شامل نیں۔کولمبیا دے پہلے کھبے بازو دے صدر نے سوشل میڈیا اُتے غزہ دے اسرائیلی محاصرے نوں نازی جرمنی دے اقداماں توں تشبیہ دتی تے زور دے کے آکھیا کہ جمہوری لوگ بین الاقوامی سیاست وچ نازی ازم نوں دوبارہ قائم کرن دی اجازت نہیں دے سکدے۔